|
Gabaygii:
Silsiladda saajimmada
...........................................................................................
Carruurta reer miyiga waxaa lagu yaqaan
inay tuulooyinka iyo magaalooyinka jecel yihiin.
Kolka ay xoolaha wax soo arooriyaan oo la shubo waxay
doonaan inayan ciddina ku noqon ay intii cabbaar ah
lug dambeediyaan oo dukaamada iyo waxa yaal daawadaan.
Ninka reer miyiga ah oo ilmahaas dhalay saas aalaaba
ma oggolaado, markuu sifaalahaas arkana wuxuu saadiyaa
inuu noqon doono dawdar' xoolaha neceb oo aan caaqibo
danbe lahayn
Ismaaciil rag kale oo geel meel ku haya ayaa inan
yar oo Saleebaan Cali la yidhaa hadba ka baxsadaa
oo tuulad u cararaa Waa la soo celiyaa oo geela loo
keenaa, suu misana waa cararaa. Maalintii u dambeysey
oo la soo celiyey ayaa nin adeerkiis ahi sargado la
dhacay Ismaaciil
markaas
inankii yaraa gabay waano iyo tusaale ah ayuu halkii
uga jeediyey. Waxa uu ku tilmaamayaa cirib xumada
haysata wiilka xoolahooda ka dhaqaaqa, dabadeedna
taga tuulada iyo magaalada aan ciduna ugu jeefaafayn'
wuxu yidhi :
Saleebaan
- gahaydhow haddaad soofka celin weydo
Adigoo sagaal jira haddaad sidatan yeelayso
In sarwaamo kugu xiimayaan saa anaa huba e
Dabadeedna
waad siibanood tegi sidaadiiye
Adoo suuxsan baad tegi hadhkii sabadi Ceeldhaabe'
Sixin hiliba seedaley barniya sararo geedeysan
Maqli
iyo.sanuunad iyo kibis saa'il lagu dooni
Sooraadan helahaynin buur saarku kuu qabane
Dukaammada sareedaha leh iyo suuqyadaad xuliye
Markaasuu, sun liqihii ku marin surin cidhiidhyoone.
Saaq iyo adoo rubi xadaa lagugu seetayne
Silsilad bay manjaha kaaga xidhi saajimmadu dheere
Nin
sebaan ka lumayaad tahood seeggan taladiiye
Samow aabbahaa Cali haduu samirba kaa joogo
Sal ku yeelo meel uun naftaad sababi doontaaye !
|
